Սովորել ուրիշներից ու դառնալ ավելի լավը
Կրթությունը, գիտելիք ստանալու գործընթացն ամբողջ կյանքի համար է և չի սահմանափակվում միայն որևէ շենքում մի քանի տարի անցկացնելով։ Այն շարունակական ընթացք է, որում ամենակարևորը հետաքրքրություն ցուցաբերելն է դեպի նոր բացահայտումներ և հայտնագործություններ։ Մեր հետաքրքրությունների ու գիտելիքների սահմաններից դուրս գալով և դրանք փոխադարձ կիսելով մեզ շրջապատող այլ մարդկանց հետ՝ մենք կընդլայնենք մեր աշխարհընկալումը և ի վերջո կհասնենք աշխարհի գրեթե բոլոր անկյուններում ծագած հիմնախնդիրների լուծմանը։ Սովորելով ուրիշներից և ուրիշներին սովորեցնելով՝ մենք դառնում ենք ավելի լավը և նպաստում ենք մեր շրջապատի զարգացմանը։
__________________________________________________________________________________
Ի գիտություն մեր փոքրիկ գիտնականներին՝
Մինչեւ 17 տարեկան դպրոցականների համար #ScienceOnCamera_ForKids խորագրով տեսանյութերի #մրցույթ!!
Դեկտեմբեր ամսին մեկնարկել է Project Lab-ի նախաձեռնության նոր գիտակրթական ծրագիրը՝ «Դպրոցականների հետազոտական հարթակը»։
ԵՊՀ Ֆիզիկայի Ֆակուլտետի ու SPIE Yerevan State Univ. Chapter-ի հետ համատեղ անցկացվում է վիդեո-մրցույթ՝
Մրցույթին մասնակցելու համար անհրաժեշտ է՝
-Ընտրել որևէ երևույթ, որի բացատրությունը կարող եք տալ փոքրիկ գիտափորձի միջոցով,
-Տեսանկարահանել գիտափորձը կատարելու գործընթացը՝ բացատրելով ողջ ընթացքը։
Տեսահոլովակը պետք է ուղարկել yerevanyoungminds@gmail.com հասցեին մինչև դեկտեմբերի 20-ը ներառյալ:
Կարևոր պայմաններն են՝
-Տեսահոլովակի տևողությունը չպետք է գերազանցի 3 րոպեն;
-Տեսահոլովակի վերջում ներդնել՝ «Հզո՛ր Գիտություն՝ Հզո՛ր Հայաստան» կարգախոսը;
-Կցել նամակ, որում պատմում եք Ձեր ու Ձեր նպատակների մասին։
Տեսահոլովակը պետք է ուղարկել yerevanyoungminds@gmail.com հասցեին մինչև դեկտեմբերի 20-ը ներառյալ:
Մրցույթին կարող են մասնակցել մինչև 17 տարեկանները։
Դեկտեմբերկ 21-ին բոլոր տեսահոլովակները կներբեռնվեն մեր YouTube-յան ալիք։
Մրցույթը կմեկնարկի դեկտեմբերի 21-ին և կավարտվի դեկտեմբերի 29-ին։
Հաղթողները կընտրվեն դեկտեմբերի 30-ին հետևյալ 2 անվանակարգերում՝
-Լավագույն մատուցում;
-Հանդիսատեսի համակրանք:
Յուրաքանչյուր անվանակարգում հաղթողը կստանա 25000 դրամ:
Գնացինք փորձեր նկարելու!!!
